Archive for Meðmæli
Skynsemdarröddin hljómar í myrkrinu.
Hvet ykkur eindregið til að lesa bloggið hans Vilhjálms Þorsteinssonar.
:)
MD
Nýja Ísland
Ég er á því að við eigum bara að skipta á sléttu við þennan mann. Haldiði ekki að við verðum ennþá sneggri að byggja okkur upp á svona paradísareyjum?
En þar sem ég hef ekkert gáfulegt til málanna að leggja þá legg ég til að þið lesið færsluna hans Hjalla um næsta Ísland.
:)
MD
Arctic Girl Geek Dinner
Það hefur verið áberandi fyrir mig og margar vinkonur mínar að það hefur vantað jákvæðan félagsskap kvenna sem hafa verið kallaðar nördar/strákar/proffar og það allt sem hrós. Sem betur fer eru þetta konur sem taka málin í sínar hendur og höfum við nú ákveðið að taka upp breska hugmynd: Girl Geek Dinner.
Girl Geek Dinner er félagsskapur ‘girl geek’ sem hittast reglulega og kynnast, hlusta á tæknilega fyrirlestra, borða góðan mat og lyfta jafnvel glasi. Hér er áherslan á að vera skemmtilegur, læra nýtt, kynnast fólki og vera góðar fyrirmyndir. Ef að strákana langar að vera með, þá mega þeir gjarnan mæta á viðburði, í fylgd með félagskonu.
Eftir að fyrsti klúbburinn var stofnaður fyrir 3 árum hefur orðið borist eins og eldur í sinu um allar jarðir og má finna Girl Geek Dinner klúbba vítt og breitt um heiminn, frá Kanada til Nýja-Sjálands. Og nú er komið að Arctic Girl Geek Dinner.
Eitt af því sem við rákumst á þegar við fórum að skoða þetta var að við vissum ekki hvað við ættum að kalla ‘girl geek’ á íslensku. Svo við fengum til liðs við okkur Baldur Sigurðsson dósent í íslensku sem er einnig faðir úrvals ‘girl geek’ og hann kom upp með orðið ‘tæknitáta’. Um leið og ég heyrði það þá langaði mig að vera tæknitáta.
Svona félagsskapur lifir náttúrulega á því að skemmtilegar kjarnakonur vilji vera memm. Ef þú vilt vera memm ekki vera feimin við að skrá þig í Facebook-grúppuna sem við bjuggum til eða hafa samband.
Stefnan er að hafa fyrsta hittinginn í nóvember - skráið ykkur og verið með!
:)
MD
Nytsemi og snör þróun
Ég er hrein mey í aðferðarfræðinni sem kennd er við ‘agile‘ eða snara hugbúnaðarþróun. Er að taka þátt í mínu fyrsta verkefni og hef verið að fíla mig svolítið ofan lækjar með enga ár.
Sérstaklegahef ég átt erfitt með að skilja hvernig hægt sé að ná yfirsýn yfir þróun sem hefur tekið ítrun upp á næsta stig og að því er virtist ekki vilja vita lengra en nef þess náði vegna þess að uppbyggingin á öll að fara fram í svo smáum skrefum.
Yfirsýn og heildarmynd eru forsendur fyrir viðmótshönnun svo að þetta var ekki alveg að ganga upp í hausnum á mér. Það er ekki hægt að hanna heildstætt notendaviðmót eina aðgerð í einu.
Það hefur líklega sést á mér langar leiðir að ég var gjörsamlega vilt svo hann Daði hjá Sprett var svo huggulegur að senda mér grein sem fjallar um nytsemi og snara þróun.
Í stuttu máli lýsir hún aðferðafræði sem getur gengið upp fyrir nytsemisnerði en nýtir um leið alla kosti snarrar þróunar: Það er að stilla viðmótshönnuðinum upp í eigendahópinn og leyfa honum síðan að framkvæma sýna galdra og hlaupa á milli þróunarteymis og notenda. Halda nægjanlegri yfirsýn en um leið hafa tækifæri til að koma með úrbætur um leið og þarf.
Mæli með henni:
Twelve emerging best practices for adding UX work to Agile development.
:)
MD
P.S. Fæ ég ekki prik fyrir mína snörun á ‘agile development’ yfir á íslensku?
Tom Waits er sjúklegur töffari
Ég hélt ad ég gaeti ekki ordid meiri addáandi Hr. Waits en ég var en thvílíkir tónleikar!! Madurinn hafdi salinn í vasanum sem kristalladist í thví thegar allir vidstaddir sungu Innocent when you dream vid undirleik meistarans. Úff!! Ekki laust vid ad undirritud hafi á theirri stundu verid í töluverdri gedshraeringu. Stórkostlegar útsetningar á lögum eins og Make it rain og Way down in the hole. 9th and Hennepin beint í aed! Eg fae gaesahud bara af minningunni einni saman :D
En nú sitjum vid á ATL og bídum eftir fluginu til LGA sem alltaf er verid ad seinka minna og minna. Best ad fara og fá sér e-d ad borda til ad drepa tíma. Ég segi ykkur frá gledinni vid ad tengjast flugvalla wi-fi-um sídar.
:)
MD
Íslensk hönnun
Verð að benda ykkur á hina frábæru vefverslun Birkiland.
Hún selur bara íslenska iðnhönnun, stórkostlega hluti eins og til dæmis þessa brilliant bolla:
Sjá nánar í manifesto-inu.
Fylgist með! Það bætist iðulega við nýtt og spennandi stöff.
:)
MD
Comments off
Tom Waits á tónleikaferdalagi!!
Tom Waits var ad gefa thad út ad hann aetlar ad leggjast í tónleikahöld í sumar!
Sjá tomwaits.com
Edda rúlar
Mig langar til að monta mig af ofur-þrumunni Eddu Dan sem tók sig til um síðustu helgi og keppti í fimleikum í Svíþjóð. Þetta eru ekki æfingar fyrir hugleysingja. Flikk-flakk, heljarstökk, hnakka og hliðarstökk og fleira af því líku.
:)
MD
Virkt verðlagseftirlit
Tryggvi Axelsson forstjóri Neytendastofu setti fram þá hugmynd um daginn að verðlagseftirlit ætti heima á vefnum. Það mætti setja upp vefsíðu sem sýndi verðið núna.
Mér finnst þetta frábær hugmynd og henni ættu allir að taka fagnandi, neytendur og verslunarmenn. Hópur af athafnasömu fólki hefur hefur m.a.s. drifið í því að setja upp vef sem þar sem maður getur flett upp á hagstæðasta bensínverðinu á hverjum tíma.
Ástæðan fyrir því að mér finnst þetta frábær hugmynd er sú að hérna fengi maður alvöru verðlagseftirlit. Það vita allir að verslanir breyta verðum, stundum oft á dag. Og það er bara eðlilegt. Ef verslun vill létta á eftirmiðdögunum hjá sér þá getur það lækkað verðið fyrir hádegi á þriðjudögum, hækkað það á fimmtudagseftirmiðdögum. Þetta er magnað stjórntæki fyrir verslanirnar. En bara ef einhver veit af því. Og ef ég væri jafn hagsýn húsmóðir og hún móðir mín þá myndi ég notfæra mér það.
Win/win staða fyrir alla. Finnur Árnason forstjóri Haga er m.a.s. sammála mér.
Þetta hljómar ekki erfitt tæknilega. Þessar upplýsingar liggja allar í kassakerfum búðanna og þau gera örugglega ráð fyrir því að hægt sé að sækja í þau upplýsingar. Þess vegna trúi ég því að það mætti auðveldlega gera þær aðgengilegar. Verðin mætti síðan birta sem vísitölu eða sem ‘körfur’ ef menn eru eitthvað feimnir við að sýna verð fyrir hverja vöru.
Koma svo - setja þetta upp!
:)
MD
